Print
Hits: 2644

महरास्ट्रा टाईम्स
03 Sept 2012

राज्यातील टीबीचे हॉस्पिटल , त्यातील वॉर्डातील पेशंटवर उपचार करणाऱ्या डॉक्टर , परिचारिका ( नर्सेस ) आणि कर्मचाऱ्यांना त्याची लागण होऊ नये यासाठी एन – ९५ मास्कची खरेदी करण्यात येणार आहे . यामुळे वर्षभर पुरेल एवढा दोन लाख मास्कचा साठा उपलब्ध होणार आहे .

' टीबी ' चे सहसंचालक डॉ . प्रदीप गायकवाड यांनी ही माहिती दिली . ' राज्याच्या आरोग्य खात्याने टीबीवर उपचार करणाऱ्या टीबी वॉर्डासह हॉस्पिटलमधील डॉक्टर , नर्सेस , कर्मचाऱ्यांच्या वापरासाठी एन - ९५ प्रकारचे मास्क खरेदी करण्याचा प्रस्ताव मंजूर करण्यात आला आहे . दोन लाख मास्कच्या खरेदीचे ऑर्डरही देण्यात आले आहेत . त्यामुळे येत्या काही महिन्यात हे मास्क सर्वांना उपलब्ध होतील ', अशी माहिती डॉ . गायकवाड यांनी दिली .

राज्यात टीबीच्या पेशंटवर उपचार करणाऱ्या डॉक्टरांसह कर्मचाऱ्यांना टीबीची विषाणूच्या संसर्गामुळे लागण होत होती . त्यामुळे त्यांचा मृत्यू झाल्याच्या अनेक घटना उघडकीस आल्या आहेत . त्याची पुनरावृत्ती होऊ नये यासाठी मास्कचा वापर करण्यात येऊ लागला आहे . मास्क संपल्यानंतर उपचार करण्यात अडचणी येऊ नयेत याची खबरदारी म्हणून आगाऊ दोन लाख मास्कची खरेदीची प्रक्रिया सुरू करण्यात आली आहे . सरकारी हॉस्पिटल , सरकारी वैद्यकीय महाविद्यालयांशी संलग्नित हॉस्पिटल , डॉट प्लस सेंटरमधील डॉक्टर , कर्मचारी , नर्सेस यांना या मास्कचा उपयोग होणार आहे . मास्कच्या वापरामुळे पेशंट ते डॉक्टरांपर्यंत विषाणूंचा होणारा संसर्ग रोखण्यास आता मदत होणार आहे .

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ’Fair dealing’ or ’Fair use’. Visitors may click on the publication name, in the news story, to visit the original article as it appears on the publication’s website.