Print
Hits: 2615

महाराष्ट्र टाईम्स
०५ सप्टेमबर २०१२
पुणे, भारत.

शहराच्या मध्यवर्ती भागात घोले रस्त्यावर उभारण्यात आलेल्या डॉ . मनोहर जोशी मेमोरियल ( एमजेएम ) हॉस्पिटलमध्ये आता पचनसंस्थांच्या विकारांवर अद्ययावत तंत्रज्ञानाद्वारे उपचार करण्यात येणार असून , छोट्या आतड्यांचेही सूक्ष्म परीक्षण करणे शक्य होणार आहे .

ज्येष्ठ चिकित्सक डॉ . मनोहर जोशी यांच्या स्मृतिप्रीत्यर्थ हे हॉस्पिटल सुरू करण्यात आले आहे . पहिल्या टप्प्यात पन्नास तर , दुसऱ्या टप्प्यात शंभर खाटांची व्यवस्था करण्यात येणार आहे . अकरा हजार चौरस फूट क्षेत्रावर उभारण्यात आलेल्या या हॉस्पिटलमध्ये ' गॅस्ट्रोन्टरॉलॉजी ' म्हणजे पचनसंस्थेच्या आजारांवर विशेष भर देण्यात आला आहे , अशी माहिती व्यवस्थापकीय संचालक डॉ . मुकुंद जोशी यांनी पत्रकार परिषदेत दिली . पचनसंस्थेच्या आजारावर उपचारासाठी जपानी तंत्रज्ञानावर आधारित अद्ययावत उपकरणे हे या हॉस्पिटलचे वैशिष्ट्य आहे . या शिवाय पुण्यात प्रथमच छोट्या आतड्यांच्या परीक्षणासाठी ' एन्टरोस्कोपी ' सुरू केली आहे .

पचनसंस्थेच्या आजाराच्या ऑपरेशनसाठी अत्याधुनिक ' लॅप्रोस्कोपी ' ची प्रगत तंत्रज्ञान प्रणाली बसविण्यात आली आहे , असेही डॉ . जोशी यांनी सांगितले . चार मजल्यांच्या या हॉस्पिटलमध्ये अपघात विभाग , मल्टी स्लाइस सीटी स्कॅन , विकृती विज्ञान , औषधनिर्माण असे विभाग आहेत . हृदयरोग , बालरोग चिकित्साक , स्त्री रोग , कर्करोग , मूत्ररोग , बॅरिएट्रीक , कॉस्मेटिक ऑपरेशन , वेदना व्यवस्थापन , कान , नाक , घसा , यासारखे अनेक विभागदेखील हॉस्पिटलमध्ये कार्यरत आहेत .

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ’Fair dealing’ or ’Fair use’. Visitors may click on the publication name, in the news story, to visit the original article as it appears on the publication’s website.