संप्ररेक उपचार
जे कर्करोगाचे प्रकार संप्रेरकांशी संबंधित आहेत त्यांच्याबाबतीत ही उपचार पध्दती अगदी स्टँडर्ड पध्दती आहे. काही हे जे कर्करोगाचे प्रकार आहेत ते संप्रेरकांवर अवलंबून तरी आहेत किंवा त्यांची वाढ संप्ररकांमुळे होते. त्यात, गर्भाशय, स्तन आणी प्रोस्टेटच्या कर्करोगाचा समावेश होतो. या उपचार पध्दतीत संप्रेरकांचे निर्मिती थांबवणे किंवा त्यांची कार्यक्षमता कमी करणे समाविष्ट आहे. परिणामत: कर्करोगाची वाढ थांबते त्याचे आयुष्य अनेक महिन्यांनी वर्षानी सुध्दा वाढू शकते.
पर्यायी उपचार
कर्करोग झालेल्यांसाठी प्रचंड प्रमाणात पर्यायी उपचार उपलब्ध आहेत. हे उपचार रसायन चिकित्सा, किरणोत्सर्गी उपचार, शस्त्रक्रिया यांचे बरोबरीने देता येतात किंवा स्वतंत्रपणे देता येतात. पर्यायी उपचार हा गुंतागुंतीचा मानला असल्यामुळे तज्ज्ञ व्यक्तीकडूनच घ्यावेत.
ऍक्युपक्चर उपचारांमुळे कर्करोगातील वेदना कमी होतात असं वैद्यकियरित्या सिध्द झालेले नाही तरी अनेक पेशंटना ते सुरक्षित आणि गुणकारी,फायदेशीर वाटतात. शारीरिक उपचार, जसे मसाज, रिफ्लेक्सोलाजी, यामुळे स्नायूंना शैथिल्या येऊन आराम मिळतो. व मळमळ वांती अशा दुष्परिणांमाचे तीव्रताकमी होते. होमिओपाथी आणी चिनी वनस्पतीजन्य औषधांमुळे, रसायनचिकित्सा आणि किरणोत्सर्गी उपचारांचे दुष्परिणाम कमी झाल्याचे अनुभवास आले आहे. म्हणून अनेक डॉक्टर्स या उपचारांची शिफारस करतात.
काही अन्नपदार्थ आणि भाज्या, फळे आणि धान्यांमध्ये काही प्रकारच्या कर्करोगांपासून बचाव करण्याची क्षमता आहे असे मानले जाते.परंतु, स्वतंत्रपणे नेमका कोणता घटक कर्करोग विरोधी घटक आहे हे प्रयोगशाळेतील अभ्यासातून निश्‍चित करणे अवघड जाते. प्रयोगशाळेत, आजपर्यंत, ए, सी आणि ई ही जीवनसत्वे, सोथिओसायनेट डायथिओनिस ही, फ्लॉवर, ब्रोकोली व कोबीत आढळणारी संयुगे, गाजरात असणारे बीटा - कॅरोटीन हे संयुग, कर्करोगापासून बचाव करते असे सिध्द झाले आहे. फळांमध्ये आणि भाज्यांमध्ये असणार्‍या तंतुमय पदार्थांनी समृध्द झालेला आहार घेण्यामुळे आतड्याच्या कर्करोगाचा धोका कमी झाल्याचे दिसून येते. नियमित व्यायाम आणिमाफक चरबीयुक्त पदार्थांच्या सेवनामुळे वजनावर नियंत्रण राहते आणि एन्डोमेट्रीअल, स्तनांचा कर्करोग आणि आतड्याचा कर्करोग यांचा धोका कमी होतो.
आयुष्यमानाचा आडाखा
लाईफ टाईम रिस्क - आयुष्यभराचा धोका ह्या संज्ञेचा वापर, कर्करोगातील संशोधक, पेशंटला कर्करोग होण्याची शक्यता किती आणि/किंवा कर्करोग झाल्यावर त्याचे आर्युमान किती असेल, या विषयी बोलतात, तेव्हा वापरतात.
पेशंटच्या, आर्युमानाचा आराखडा अनेक गोष्टींवर अवलंबून असतो. विशेषत: कोणत्या प्रकारचा कर्करोग आहे. कर्करोग कोणत्या अवस्थेत आहे, कोणत्या परिस्थितीत त्याचे स्थलांतर झालेले आहे, कर्करोगाची आक्रामकता किती आहे, या घटकांवर आर्युमानाचा आडाखा अवलंबून असतो. या शिवाय, पेशंटचे वय, सर्वसाधारण तब्येतीची अवस्था आणि दिलेल्या उपचारांची परिणामकता हे ही महत्वाचे घटक आहेत.
पुढील कार्यवाहीची निश्‍चिती करण्यासाठी, आजारांचे पर्यावसान जोखण्यासाठी आणि आजारातून बरे होण्याची शक्यता ठरविण्यासाठी नेहमीच डॉक्टर स्टॅटीस्टीक्स - संख्याशास्त्राचा वापर करतात. पाच वर्षाचे जीवन चाचणी हे सर्वांधिक वापरले जाणारे साधन आहे. हे परीणाम म्हणजे, ज्यांना कर्करोग झालेला नाही अशा व्यक्तींची, ज्यांना कर्करोगाचे सुरवातीच्या स्थितीत निदान झाले आहे. अशा व्यक्तीच्या आर्युमानाशी कारण कोणत्याही दोन व्यक्ती सारख्या नसतात. व्यक्ती तितक्या प्रकृती
प्रतिबंधात्मक उपाय
अमेरिकेतील महत्वाचे विद्यापीठातील आहारतज्ञ आणि रोगशास्त्र तज्ञांनी सांगितल्याप्रमाणे, जर पुढे दिलेले सोपे उपाय अमलात आणले तर माणूस कर्करोग होण्याचा धोका कमी करू शकतो.
- भरपूर फळे/भाज्या खाणे.
- दररोज किमान २० मिनिटे भरपूर/जोरदार व्यायाम करणे.
- लठ्ठपणा आणि अतिरिक्त वजन वाढून न देणे.
- तंबाखू संपूर्णपणे वर्ज्य करणे (दुसर्‍याच्या सिगरेटमधला पफ पण नको).
- प्राणिज चरबी आणि रेड मीटचे प्रमाण कमी करणे किंवा खाणे टाळणे.
- अतिरिक्त मद्यपान टाळणे.
- दुपारे ११ ते ३ या वेळाते, जेव्हा सूर्यकिरणे प्रखर असतात तेव्हा उन्हात जाणे टाळणे.
- धोकादायक लैंगिक सवयी टाळणे.
- ज्ञात कामाच्या ठिकाणी ज्ञात असलेल्या कर्कजन पदार्थांना टाळणे.
